بەرپرسانی سەربازیی ئێران هۆشداریی دەدەنە ئەمریکا - پرس میدیا

إعلان فوق المشاركات

بەرپرسانی سەربازیی ئێران هۆشداریی دەدەنە ئەمریکا

بەرپرسانی سەربازیی ئێران هۆشداریی دەدەنە ئەمریکا


پرس
بەرپرسانی سەربازیی ئێران هۆشداریی دەدەنە ئەمریکا لە ئەگەری ئەنجامدانی هەر هێرشێکی سەربازیی بۆ سەر وڵاتەکەیان دەڵێن، ئەگەر رووداوێکی لەو شێوە ڕووبدات دەگۆڕێت بۆ جەنگێکی گشتگیر.

ئەمڕۆ پێنجشەممە ١٩ی تشرینی دووەمی ٢٠٢٠، حسێن دەهقان راوێژکاری سەربازیی عەلی خامنەیی رابەری شۆڕشی ئێران لە لێدوانێکیدا بۆ ئاژانسی هەواڵی ئەسیۆشەیتد پرێس رایگەیاند، ئەمریکا و ناوچەکە و جیهان توانای بەرگەگرتنی جەنگیان نییە بۆیە نابێت بیر لە هەڵەیەکی لەو شێوەیە بکەنەوە کە هێرشی سەربازیی بکەنە سەر ئێران.

راشیگەیاندووە، وڵاتەکەی پێشوازی لە هیچ گرژیی و جەنگێک ناکات و هەوڵیش بۆ ئەو کارە نادات و ناشیەوێت دانوستان لە پێناو دانوستاندا بکات.

هاوکات حسێن سەلامی فەرماندی گشتی سوپای پاسداران بە میدیاکانی نزیک لە سوپای پاسدارانی رایگەیاندووە"هەرکەس بیەوێت هەڕەشە لە بەرژەوەندییەکانی ئەم گەل و وڵاتە گەورەیە بکات، بە دڵنیاییەوە بە ئاشتی و ئاسایشەوە ژیان ناکات".

لەلایەن خۆشیەوە، عەلی رەزا میریوسفی نێردەی ئێران لە رێکخراوی نەتەوەیەکگرتووەکان جەختیکردەوە، وڵاتەکەی توانای بەکارهێنانی هێزی سەربازی هەیە بۆ وەڵامدانەوەی هەر هەوڵێکی شکستخواردوو لەلایەن دوژمنەوە بێت.

هەر ئەمڕۆ رافایل گرۆسی، بەڕێوەبەری گشتیی ئاژانسی نێودەوڵەتی وزەی ئەتۆم لە چاوپێکەوتنێکدا لەگەڵ  کەناڵی ئێن بی سی ئەمریکی رایگەیاندووە، "هەر هێرشێکی سەربازی بۆ سەر ئێران کاریگەریی گەورەی لەسەر چالاکییەکانی پشکنەرانی ئاژانسەکەیان لەو وڵاتە دەبێت و سەلامەتیی پشکنەرانیشمان دەکەوێتە مەترسییەوە". 

ئەمە لەکاتێکدایە پێشتر رۆژنامەی نیۆرک تایمزی ئەمریکی بڵاویکردەوە، دۆناڵد ترەمپی سەرۆکی ئەمریکا لەگەڵ راوێژکارانی سەربازی و ئاسایشی نەتەوەیی بژاردەی هێرشکردنە سەر دامەزراوە ئەتۆمییەکانی ئێرانی تاوتوێکردووە.

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©