کەجەکە وەڵامی ڕاگەیەندراوەکەی وەزارەتی دەرەوەی ئەمریکای دایەوە - پرس میدیا

إعلان فوق المشاركات

کەجەکە وەڵامی ڕاگەیەندراوەکەی وەزارەتی دەرەوەی ئەمریکای دایەوە

کەجەکە وەڵامی ڕاگەیەندراوەکەی وەزارەتی دەرەوەی ئەمریکای دایەوە


پرس میدیا
کەجەکە ئیدانەی ڕاگەیەندراوەکەی وەزارەتی دەرەوەی ئەمریکا دەکات لەبارەی رووداوەکانی چەمانکێ و دەڵێت ، ئەمریکا هەوڵدەدات ناکۆکیی نێوان هێزە کوردییەکان قووڵتر بکاتەوە.

شەوی ڕابردوو وەزارەتی دەرەوەی ئەمریکا لە ڕاگەیەندراوێکدا بەتووندی ئیدانەی "هێرشەکەی پارتی کرێکارانی کوردستان - پەکەکە بۆ سەر هێزەکانی پێشمەرگە لە چەمانکێ کرد و ڕایگەیاند پشتگیریی حکومەتی عێراق و هەرێمی کوردستان دەکات بۆ ریشەکێشکردنی تیرۆر."

لەبەرانبەردا  ئەمڕۆ هەینی ٦ی تشرینی دووەمی ٢٠٢٠ كۆمیتەی پەیوەندییەكانی كۆما جڤاكێن كوردستان کەجەکە وەڵامی راگەیێندراوەکەی وەزارەتی دەرەوەی ئەمریکای دایەوە.
 لە بەشێکی ڕاگەیەندراوەکەدا هاتووە"ویلایەتە یەكگرتووەكانی ئەمریكا لەجیاتی ئەوەی رەخنە لە لەشكركێشی و داگیركاری توركیا بۆ سەر خاكی باشووری كوردستان و عێراق بگرێت، بە هەموو جۆرێك پشتیوانی لێی دەكات و هانی دەدات، دەوڵەتی ئەمریكا نەك تەنیا لەبەرامبەر ئۆپەراسیۆنی داگیركاری دەوڵەتی توركیا و تاوانەكانی شەڕی ئەردۆغان دەنگ هەڵنابڕێ بەڵكو هەوڵدەدات بە پشتیوانیكردن لە سیاسەتی چەواشەكارانە و شەڕخوازانەی PDK ، كەشی نیگاتیفی پەیوەندی نێوان هێزە كوردییەكان قووڵتر بكاتەوە".

ئەمە لە کاتێکدایە رۆژی چوارشەممە چواری تشرینی دووەمی ٢٠٢٠  لە سنووری ناحیەی چەمانکێی سەر بە قەزای ئامێدی، مینێکی چێندراوی پارتی کرێکارانی کوردستان بە هێزێکی پێشمەرگەدا تەقییەوە و بەو هۆیەوە پێشمەرگەیەک شەهید بوو و دوو پێشمەرگەش بریندار بوون.

کەجەکە لێدوانەکەی یاریدەدەری وتەبێژی وەزارەتی دەرەوەی ئەمریكا ئیدانە دەكات و دەڵێت"بانگەوازی خۆمان ئاراستەی هەموو گەلی كورد و بەتایبەتی گەلی باشووری كوردستان، هێز و لایەنەنە سیاسییەكان و رۆشنبیران دەكەین، كە لە بەرامبەر ئەم لێدوانە ئاژاوەگێڕانە وریا بن و هەوڵدانەكانی خۆیان لەپێناو ئارامی و چارەسەری كێشەكان چڕ بكەنەوە".

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©