لە کەرکووک و ئەنبار دوو کەمپی ئاوارەکان بە تەواوی داخران - پرس میدیا

إعلان فوق المشاركات

لە کەرکووک و ئەنبار دوو کەمپی ئاوارەکان بە تەواوی داخران

لە کەرکووک و ئەنبار دوو کەمپی ئاوارەکان بە تەواوی داخران


پرس میدیا
حکوومەتی عێراق رایگەیاند کە دوو کەمپی ئاوارەکانی لە پارێزگاکانی ئەنبار و کەرکووک دوای گەڕانەوەی سەرجەم ئەو ئاوارانەی کە لەو دوو کەمپەدا بوون، داخستووە.

لەمبارەیەوە میدیاکانی عێراق بڵاویانکردەوە کە حکوومەتی خۆجێی ئەنبار ئاماژەی بەوەداوە دوای ئەوەی ٣٠ی ھەزار خێزای ئاوارە لە کەمپی حەبانییە لە ئەنبار گەڕانەوە زێدی خۆیان، ئەو کەمپە داخراوە.

ئاماژە بەوەیشدراوە کە بەپێی ئەو پلانەی کە داندراوە، تا ساڵی داھاتوو کەمپی فەللوجە ـ عامرییە لە ئەنباریش دادەخرێت.

لە لایەکی دیکەوە وەزارەتی کۆچ و کۆچبەرانی عێراق رایگەیاند کە کەمپی یەحیاوا لە ناحیەی لەیلان سەربە پارێزگای کەرکووک داخراوە.

عەمار سەباح بەڕێوەبەری نووسنگەی وەزارەتی کۆچ و کۆچبەرانی عێراق لە کەرکووک، رایگەیاند کە دوای ئەوەی سەرجەم ئاوارەکانی نێو کەمپی یەحیاوا لە ناحیەی لەیلان سەربەپارێزگای کەرکووک گەڕانەوە ناوچەکانی خۆیان کە ژمارەیان ٣٤٠ خێزان بوو، ئەو کەمپە بەیەکجاری داخراوە.

ئاماژەی بەوەیشدا کە ئاوارەکانی نیشتەجێی کەمپی یەحیاوا دانیشتووی ناحیەی تەلەعفەر سەربە پارێزگای نەینەوا بوون کە لە ئێستادا گەڕاونەتەوە ناوچەکانیان.

بەڕێوەبەری نووسینگەی وەزارەتی کۆچ و کۆچبەرانی عێراق لە کەرکووک باسی لەوەشکرد کە لە ھەفتەی داھاتوودا، کەمپی لەیلان (یەک) کە ھەزار ٦٠٠ خێزانی ئاوارەی قەزای حەویجە و پارێزگای سەڵاحەددین تیایدا نیشتەجێن، دادەخەن کە ئەوەیش دوا کەمپی ئاوارەکان دەبێت کە لەسنووری پارێزگای کەرکووک دادەخرێت.

ليست هناك تعليقات:

إرسال تعليق

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

نموذج الاتصال

الاسم

بريد إلكتروني *

رسالة *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©