"ماوەی شەش ساڵە میدیای پارتی و باڵی مەسرور بارزانی پیلان دادەنێن" - پرس میدیا

إعلان فوق المشاركات

 "ماوەی شەش ساڵە میدیای پارتی و باڵی مەسرور بارزانی پیلان دادەنێن"

"ماوەی شەش ساڵە میدیای پارتی و باڵی مەسرور بارزانی پیلان دادەنێن"

سەرکەوت شەمسەدین ئەندامی ئەنجوومەنی نوێنەرانی عێراق لە پەڕەی تایبەتی خۆی لە فەیسبووک بابەتێکی تایبەتی بڵاوکردووەتەوە.

دەقی بڵاوکراوەکە:

چیتر خیانەتی بارزانی_تاڵەبانی لە سلێمانی قبوڵناکرێ

میدیای پارتی و باڵی مەسرور ماوەی شەش ساڵێکە بەبەرنامە شتێک ئەدەن بە گوێماندا "داهاتی هەولێر و دهۆک ۷٠٪ داهاتی کوردستان ە و سلێمانی و هەڵەبجە ۳٠٪ ە بەڵام سلێمانی ٤۳٪ داهات دەبات."

ئەمە جگەلەوەی هەڵسەنگاندن و فریودانێکی تەواوە بەڵام پەیامێکە بۆ ئەم شارە کە پارتی هیچ منەتی بە سلێمانی نییە، هەر بۆیە ئامادە نییە داهاتی هەولێر و دهۆک (بە قسەی خۆیان داهاتی ئەوانە) بەکاربهێنن بۆ هیچ پرۆژەیەکی ستراتیژی سلێمانی.

پارتی بە دەمچەورکرنی ماڵی تاڵەبانی و ژمارەیەک بەرپرسی گۆڕان توانیویەتی هەرچی سەروەتی سلێمانی یە بەبەلاش بۆی بڕاوات و حسابی داهاتی بۆ نەکات (وەک غازی سروشتی کە کارەبای کوردستان و غازی ماڵان بەندە بە غازی سلێمانی و گەرمیان کەبەهاکەی ملیاران دۆلارە ساڵانە)، بەڵام دوو فلسی لە بیرە نەوتەکانی سنوری خۆی بە چەند قات لەسەر سلێمانی حسێب دەکات.

پارتی بە هیچ شێوەیەک هەموو داهاتی سنوری دهۆک و هەولێری نەخستۆتە خەزێنەی وەزارەتی دارایی و ناشیخات، بەڵکو بە هەمان بری داهاتی سلێمانی پارە بۆ موچە دابین دەکات و بەشەکەی تری دەچێتە حساباتی ترەوە، پارەی وەزارەتی داراییش تەنیا بە فەرمانی حکومەتی هەرێم سەرفدەکرێت (هاوشێوەی فەزیحەکەی وەزیری ناوخۆی هەرێم و کرینی ئۆتۆمبێل بۆ بەرێوەبەری پۆلیسی سلێمانی و قایمقامی چەمچەماڵ).

پاشان بەکڵاو لەسەرنانی یەکێتی و (دواتریش گۆڕان) پارتی لە ساڵی ۲٠٠۸ ە لەسەر داهاتی هەموو کوردستان کە لەبەغداد ەوە دەهات (واتە بەشی سلێمانی ش) زۆرترین وەبەرهێنانی لە کێڵگەکانی نەوتی سنوری هەولێر و دهۆک کردووە و کەمترین بایەخ بە سلێمانی دراوە بەمەبەست، ئەمە بە ژمارە ولەسەربنەمای بەڵگەکانی وەزارەتی سامانە سروشتییەکان.

ئەگەر بیانوو ئەو چەتەگەرییەی مەرزەکانی سلێمانی یە لەلایەن یەکێتی یەوە، ئەوە بێ بنەمایە چونکە ئەوەی لەسێمێلکاو و وەلید و فرۆکەخانەی هەولێر دەگوزەرێ هیچی لە چەتەگەرییەکەی سلێمانی کەمتر نییە. 

بۆیە ئەم برسیکردنەی سلێمانی و نەکردنی هیچ پرۆژەیەکی ستراتیژی یان دواخستنی پرۆژەکانی و پارە سەرفکردن بۆی جگەلەوەی رق و کینەیەکی پارتی و ماڵی مەسعود بارزانی یە لەم شارە، فرشتنی سلێمانی یە لەلایەن ماڵباتی تاڵەبانی و بەشێکە لە سەرکردەکانی ئێستای گۆڕان.

دڵنیابن سلێمانی ئەم خیانەتەی بیرناچێت و چۆن بارزانی لەم شارە نفوزی نزیک لە سفرە، ئێوەش شاربەدەر ئەکرێن، چیتر ئێمەش چاوەروانی ئێوە ناکەین سلێمانی لەبەردەم مەسرور هەراج فرۆش بکەن.

سەرکەوت شەمسەدین

ئەندامی ئەنجومەنی نوێنەرانی عێراق

۲۱ی دیسەمبەر ۲٠۲٠

No comments:

Post a comment

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

Contact form

Name

Email *

Message *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©