بزوتنەوەی گۆڕان: ئیدانەی توندوتیژییەکان بەرانبەر خۆپیشاندەران دەکەین - پرس میدیا

إعلان فوق المشاركات

بزوتنەوەی گۆڕان: ئیدانەی توندوتیژییەکان بەرانبەر خۆپیشاندەران دەکەین

بزوتنەوەی گۆڕان: ئیدانەی توندوتیژییەکان بەرانبەر خۆپیشاندەران دەکەین

پرس میدیا
بزوتنەوەی گۆڕان ڕایگەیاند پشتگیری تەواوی داواکارییەکانی هاوڵاتیانی هەرێمی کوردستان دەکات و ئیدانەی بەکارهێنانی توندوتیژی بەرامبەر خۆپیشاندەران دەکات.

 ئەمڕۆ پێنجشەممە ٣ی تشرینی دووەمی ٢٠٢٠، بزوتنەوەى گۆڕان راگەیەندراوێکی لەسەر  بەکارهێنانى توندوتیژى لەلایەن بەشێک لە هێزە ئەمنییەکان بەرانبەر خۆپیشاندەرانی شاری سلێمانی بڵاوکردەوە.

لە راگەیەندراوەکەدا هاتووە؛ بزوتنەوەی گۆڕان بە توندی ئیدانەی بەکارهێنانی توندوتیژی ئەکات بەرامبەر بە خۆپیشاندەران و داواکارین لە هێزە ئەمنیەکانی پارێزگای سلێمانی دەستبەجێ بەکارهێنانی توندوتیژی بوەستێنن و گیراوەکانیش ئازاد بکەن.

ئەمە لە کاتێکدایە سەرۆکی لیژنەی ئەمنیی پارێزگای سلێمانی، هەڤاڵ ئەبووبەکرە لە پشکی بزوتنەوەی گۆڕان.

دەقى راگەیەندراوەکە:
راگەیەنراوێک لە بزوتنەوەی گۆڕانەوە
خۆپێشاندان و گردبونەوەی مەدەنی بۆ دەربڕینی ناڕەزایی یەکێکە لەسەرەتایترین مافە مەدەنیەکانی هاوڵاتیان. لە ئێستاشدا، گوزەرانی خەڵک بەگشتی و باری گوزەرانی موچەخۆران بە تایبەت لە دۆخێکی خراپدایە، لەم پێناوەشدا خەڵکی کوردستان مافی خۆیەتی بۆ پرسی موچە و بژێوی خۆپیشاندان بکات.

ئێمە لێرەوە ڕایدەگەیەنین کە پشتگیری تەواوی داواکارییەکانی هاوڵاتیانی هەرێمی کوردستان ئەکەین بۆ فەراهەمکردنی ژیانێکی شایستە و موچە، هەمو هەوڵی سیاسیشمان لە ماوەی ڕابردودا هەر بەم ئاراستەیەدا بوە لە حکومەتدا.

بزوتنەوەی گۆڕان بە توندی ئیدانەی بەکارهێنانی توندوتیژی ئەکات بەرامبەر بە خۆپیشاندەران. لێرەوە داواکارین لە هێزە ئەمنیەکانی پارێزگای سلێمانی کە دەستبەجێ بەکارهێنانی توندوتیژی بوەستێنن و گیراوەکانیش ئازاد بکەن. هەروەها پێویستە حکومەتی هەرێمی کوردستان پەلە بکات لە ئەنجامدانی چاکسازی و ڕێکەوتن لەگەڵ بەغداد بە ئامانجی دابینکردنی قوتی خەڵکی کوردستان.

بزوتنەوەی گۆڕان
3ى 12ى 2020

No comments:

Post a comment

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

Contact form

Name

Email *

Message *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©