وەزارەتی ڕۆشنبیری: کەناڵی NRT1 پابەندی رێنماییەکان نەبووە بۆیان دامانخست - پرس میدیا

إعلان فوق المشاركات

وەزارەتی ڕۆشنبیری: کەناڵی NRT1 پابەندی رێنماییەکان نەبووە بۆیان دامانخست

وەزارەتی ڕۆشنبیری: کەناڵی NRT1 پابەندی رێنماییەکان نەبووە بۆیان دامانخست

پرس میدیا
وەزارەتی رۆشنبیری حکوومەتی هەرێم کە وەزیرەکەی پشکی یەکێتی نیشتیمانییە ڕایگەیاند داخستنی کەناڵی ئێن ئاڕ تی بە بڕیاری ئەوان بووە و بڕیارەکەش جێبەجێکراوە.

ئەمڕۆ دووشەممە ٧ی کانوونی یەکەمی ٢٠٢٠ لە ڕاگەیەندراوێکدا وەزارەتی رۆشنبیری ڕایگەیاندووە، بەهۆی پابەندنەبوونی کەناڵەکەوە بە رێنماییەکانیان بڕیاری داخستنی کەناڵی NRT1 دەرکردووە.

ئەمە لەکاتکێدایە ئەو هێزەی هەڵیانکوتاوەتە سەر دامەزراوەی نالیا سێ کەناڵی دیکەی تری دامەزراوەکە کە کەناڵی منداڵان، هونەری و ئاینین داخستووە.

دەقی بڕیارەكەی وەزارەتی رۆشنبیری:فەرمانی كارگێڕی
لەبەر پابەند نەبوونی كەناڵی NRT1 بە رێنمایی تایبەت بە رێكخستنی بواری میدیای بیستراو و بینراو، بەتایبەتی هەڵسوكەوتكردنی نابەرپرسانەی لەم كاتەدا كە دوورە لەیاسا و لۆژیك و پێچەوانەی ماددەی سێیەم/بڕگەی سێیەمە لەرێنمایی رێكخستنی فریكوینسی سپەیس لەهەرێمی كوردستان (رێنمایی مۆڵەتی تەلەفزیۆن و رادیۆ)، دوای ئەوەی چەندین جار ئاگاداركراوەتەوە لەبێباكیان لەچەندبارەبونەوەی سەرپێچییەكان، پاڵپشت بە رێنمایی ئاماژەپێكراوی سەرەوەو گشت بڕیار و یاساكانی تری پەیوەست بەم پرسە، بڕیارماندا بە راگرتنی پەخشی ئاسایی كەناڵی NRT1 بۆ ماوەی یەك هەفتە بەمشێوەو رێكارانەی خوارەوە:
- راگرتنی پەخشی ئاسایی كەناڵی یەكەمی NRT بەهەموو جۆرە پەخشەكانیەوە (پەخشی سەتەلایت، پەخشی DVBT، پەخشی ئۆنلاین).
- لەبری پەخشی ئاسایی پێویستە بۆ ماوەی یەك هەفتە، بەچاپكراوی لەسەر سكرینی تەلەفزیۆنەكەیاندا هەواڵی راگراتنی پەخشی ئاساییان وەكو خۆی بە پیتی گەورەو سپی لەسەر سكرینی رەشدا بڵاوبكەنەوە. (لەگەڵ ئەم فەرمانەدا دەقەكەی هاوپێچكراوە).
- پێویستە كەناڵەكە لەكاتژمێری 11.30ی دووشەممە رێكەوتی 7/12/2020 پەخشی ئاسایی رابگرێت تاكو كاتژمێر 11.30ی یەكشەممە رێككەوتی 13/12/2020.
لەباری جێبەجێنەكردنی ئەم فەرمانە، بەپێی رێنمایی و رێكارە یاساییەكان، كەناڵەكە رووبەڕووی لێپرسینەوەی قورستر دەبێتەوە.

شێروان عولا خورشید
بەرێوەبەری گشتی راگەیاندن و چاپ و بلاوكردنەوە بە وەكالەت 

تێبینی : 
نوسینی هەواڵی راگرتنەكە سەر سكرینی تەلەفزیۆنەكە كە پێویستە لەبری پەخشی ئاسایی، بەدرێژایی یەك هەفتە بەم شێوەیە پەخشبكرێت:
لەبەر سەرپێچی و پابەندنەبوونمان بە ماددەی سێیەم/بڕگەی سێیەم لەرێنمایی رێكخستنی فریكوینسی سپەیس لەهەرێمی كوردستان (رێنمایی مۆڵەتی تەلەفزیۆن و رادیۆ )، لەلایەن وەزارەتی رۆشنبیری و لاوان/ بەڕێوەبەرایەتیی گشتیی راگەیاندن و چاپ و بڵاوكردنەوە، بڕیاردرا بەراگرتنی پەخشی ئاسایی كەناڵەكەمان لەكاتژمێری 11.30ی رۆژی دووشەممە رێكەوتی 7/12/2020 تاكو كاتژمێر 11.30ی رۆژی یەك شەممە رێككەوتی 13/12/2020.

No comments:

Post a Comment

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

Contact Form

Name

Email *

Message *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©