نەتەوەيەكگرتووەكان داوا له‌ ئه‌مریكا ده‌كات له‌ بە تیرۆریست ناساندنی حووسييەكانى يەمەن پاشگه‌زبێته‌وه‌ - پرس میدیا

إعلان فوق المشاركات

نەتەوەيەكگرتووەكان داوا له‌ ئه‌مریكا ده‌كات له‌ بە تیرۆریست ناساندنی حووسييەكانى يەمەن پاشگه‌زبێته‌وه‌

نەتەوەيەكگرتووەكان داوا له‌ ئه‌مریكا ده‌كات له‌ بە تیرۆریست ناساندنی حووسييەكانى يەمەن پاشگه‌زبێته‌وه‌

پرس میدیا
نەتەوەيەكگرتووەكان هۆشداریى لە بڕياره‌كه‌ی ئەمريكا بۆ ناساندنى حووسييەكانى يەمەن وەك "رێكخراوى تيرۆريستى" دا، كه‌ كاريگەريى مرۆيى و برسێتييەكى گەورەی لێده‌كه‌وێته‌وه‌ و داواى لە واشنتۆن كرد لەو بڕيارەى پاشگەزبێتەوە.

مارك لۆوكۆك جێگرى سكرتێرى گشتيى نەتەوەيەكگرتووەكان بۆ كاروبارى مرۆيى،  لە وتارێكيدا لە ئەنجوومەنى ئاسايشى نێودەوڵەتى، ئاشكرایكرد، بڕيارى ئەمريكا سه‌باره‌ت به‌ راگەياندنى حووسييەكانى يەمەن وەك "رێكخراوى تيرۆريستى" دۆخى مرۆيى يەمەن خراپتر دەكات.

مارك لۆوكۆك ئاماژەى بەوەكرد كە پێويستە رێگرتن لە برسێتى لە يەمەن لە پێشينەى كارەكان بێت و رایگه‌یاند: "لەمساڵدا ١٦ مليۆن يەمەنى لە برسێتيدا دەبن، لە ئێستاشدا ٥٠ هەزار كەس لە سنوورى برسێتيدان و پێنج مليۆن كەسيش تەنها يەك هەنگاو لە برسێتييەوە دوورن".

لۆوكۆك تیشكی خستووه‌ته‌ سه‌ر ئه‌وه‌ش كە يەمەن لەسەدا ٩٠ى پێداويستى خۆراك هاوردە دەكات و دامەزراوەكانیان هاوكاریى مادده‌یی ده‌ده‌نه‌ خەڵكى وڵاته‌كه‌ بۆ كڕينى ئەو خۆراكانەى كە لە رێگه‌ بازرگانييەكانەوە دێتە یه‌مه‌ن و جارێكی دیكه‌ هۆشداریى دا له‌وه‌ی كه‌ دواى راگەياندنى حووسييەكان وەكو رێكخراوى تيرۆريستى لەلايەن ئەمريكاوە، ئه‌و بڕیاره‌ كاريگەرى لەسەر هاوردەكردنى خۆراك دروستدەكات.

ئه‌مه‌ جگه‌ له‌وه‌ی باسی له‌وه‌كرد ئەو بڕيارە دەبێتە هۆكارى دروستبوونى برسێتييەك كە لە ماوەى ٤٠ ساڵى رابردوودا وێنەى نەبووە و داواى لە ئەمريكا كرد لەو بريارەى پاشگەزببێتەوە.

لاى خۆيەوە، نێردەى تايبەتى نەتەوەيەكگرتووەكان بۆ يەمەن، مارتن گريفيس، ئاشكرایكرد ئەو بڕيارە تا دوا ئاست مەترسيدارە و كارى كۆكردنەوەى لايەنەكان لە پرۆسەى سياسى قورستر دەكات. 


No comments:

Post a comment

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

Contact form

Name

Email *

Message *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©