وەزیری تەندروستی لەسەر دەنگۆی دیارنەمانی ٣٧ ملیۆن دۆلاری کۆرۆنا ڕوونکردنەوە دەدات - پرس میدیا

إعلان فوق المشاركات

وەزیری تەندروستی لەسەر دەنگۆی دیارنەمانی ٣٧ ملیۆن دۆلاری کۆرۆنا ڕوونکردنەوە دەدات

وەزیری تەندروستی لەسەر دەنگۆی دیارنەمانی ٣٧ ملیۆن دۆلاری کۆرۆنا ڕوونکردنەوە دەدات


پرس میدیا
سکرتێری ڕۆژنامەوانی وەزیری تەندروستیی حکوومەتی هەرێمی کوردستان لە ڕوونکردنەوەیەکدا ڕایگەیاند تەواوی ئەو بودجەیەی بۆ ڕووبەڕووبوونەوەی کۆرۆنا تەرخانکراوە لە ڕێگەی بەڕێوەبەرایەتییە گشتییەکانەوە خەرجکراوە.

دەقی ڕوونکردنەوەکە
وەزارەتی تەندروستیی حکوومەتی هەرێم کوردستان ڕەتی دەکاتەوە

ڕوونكردنەوەیەك بۆ ڕای گشتی

لە پەیجێكی سۆشیال میدیا بابەتێك بڵاوبووەتەوە بە ناونیشانی (وەزیری تەندروستی 37 ملیۆن دۆلاری بەرەنگاربوونەوەی كۆرۆنای چی لێكردووە).

هەرچەندە زۆر پێویست نییە وەڵامی ئەم جۆرە چەواشەكار و بێناوانە بدەینەوە، بەڵام بۆ ڕای گشتی و هاووڵاتیان گرنگە بەرچاوڕوونیان هەبێت كە سەركەوتنی ئەزموونی هەرێمی كوردستان لە ڕووبەڕووبوونەوەی ڤایرۆسی كۆرۆنا ئەوەندە گەورەیە بەم جۆرە هەواڵە بێ بنەماو بێ سەروبەریە بچووك نابێتەوە.

 لێرەوە ڕایدەگەینین كەوا بوودجە تەرخانكراوەكان بۆ نەخۆشی كۆرۆنا بەسوپاسەوە لەلایەن حكومەتی هەرێمی كوردستان بەردەوام مانگانە دابین دەكرێت و لەلایەن وەزارەتی دارایی ڕاستەوخۆ بۆ بەڕێوبەرایەتیە گشتییەكانی تەندروستی پارێزگاكان و ئیدارە سەربەخۆكان لەلایەن گەنجینەكانەوە وەکو هەر بوودجەیەکی دیکە خەرجدەكرێت تەنانەت یەك سەنت یان یەك دیناریش لەلایەن وەزارەتی تەندروستی خەرج نەكراوە.

 بەڵکو تەواوی دەسەڵات بە فەرمانگەكانی تەندروستی دراوە بۆ خەرجكردن كە بە متمانە و سوپاس و دەستخۆشیەوە بەڕێكوپێكی بۆ بابەتە هەستیار و پێویستیەكان لەسەر بنەماكانی ڕێنمایی دارایی خەرجدەكرێت و پسوڵەو ووردەكاریەكان دوای ووردبینی کردن لەلایەن گەنجینەكانەوە وەردەگیرێتەوە.

جارێكی تر دووپاتی دەكەینەوە كەوا ئەم جۆرە قسە هەڵبەستراوانە (بەری ڕۆژ ناگرێت بە بێژنگ) بەڵكو گوڕوتینمان زیاتر دەكات بۆ بەرەنگاربوونەوەی ئەم پەتایەو خزمەتكردنی هاووڵاتیانی خۆشەویست هەروەك چۆن لە دواهەمین شوێنەكانی جیهان بووین لە تەشەنەكردنی ئەم بڵاوبوونەوەیە.

 بە هەوڵ و پاڵپشتی هاووڵاتیان و پەرۆشی حكومەتی هەرێمی كوردستان ئێستاش لە ڕێزی پێشەوەین بۆ كەمكردنەوە و هێواشكردنەوەی بڵاوبونەوەی ئەم نەخۆشییە، هیوادارین هاووڵاتیان زیاتر پابەندی ڕێنماییەكانی تەندروستی بن، هەرگێرەشێوێنێكیش كە هەوڵی لەكەداركردنی ئەم كارو چالاكیانە بدات ڕووبەڕووی دادگا و ڕێكاری یاسایی دەكەینەوە بۆ سەلماندنی هەر قسەیەكی نەشیاو لەپێناو مەرامی تایبەتیان.
سكرتێری ڕۆژنامەوانی
وەزیری تەندروستی 

No comments:

Post a comment

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

Contact form

Name

Email *

Message *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©