بەشوودانی کچ لەبەرامبەر قەرز - پرس میدیا

إعلان فوق المشاركات

بەشوودانی کچ لەبەرامبەر قەرز

بەشوودانی کچ لەبەرامبەر قەرز

 

پرس میدیا

دیاردەیەک ئاشکرا دەکرێت ’’بەشوودانی کچ لەبەرامبەر قەرز


به‌رپرسی لقی كه‌ركوكی ڕێكخراوی هیوای عێراقی دەڵیت، دیارده‌ی به‌ شودانی كچانی منداڵ له شاری ‌كه‌ركوك ڕووی له‌ هه‌ڵكشان كردووه‌ و هه‌ندێك له‌ كچه‌ منداڵه‌ به‌شوودراوه‌كان له‌كاتی منداڵبووندا گیانیان له‌ده‌ستداوه‌، دەشڵێت، حاڵه‌تی به‌شودانی كچان له‌بری قه‌رزیش تۆماركراوه‌.


سرود ئه‌حمه‌د، به‌رپرسی لقی كه‌ركوكی ڕێكخراوی هیوای عێراقی كه‌ ڕێكخراوه‌كه‌ی تایبه‌ته‌ به‌ داكۆكیكردن له‌ مافه‌كانی ژنان (شەممە 25ی کانونی یەکەمی 2021) بە "دەنگی ئەمەریکای ڕاگەیاند، "به‌شوودانی كچانی ته‌مه‌ن 15 تا 18ساڵ ڕه‌زامه‌ندی دادگای ده‌وێت، بەڵام كچ به‌شوو ده‌درێت ته‌مه‌نی 12 ساڵه‌، ئه‌مه‌ دژی یاسایه‌، به‌تایبه‌ت به‌شێك له‌و منداڵانه‌ی به‌شوو ده‌درێن هێشتا ئاشنا نین به‌ماف و ئه‌ركه‌كانیان."



ئاماژەی بەوەشکردووە، " دادگا له‌سه‌ر بنه‌مای ڕاپۆرتی ته‌ندروستی ئه‌و كچه‌ منداڵانه‌ ماره‌ ده‌بڕێت و ته‌ندروستیش ڕاپۆرتیان بۆ ده‌كات، له‌كاتێكدا قابیلیه‌تی شوو كردنیان نیه‌."



ئەوەشی خستووەتەڕوو، " هه‌فته‌یه‌ك له‌مه‌وبه‌ر ژنێكی ته‌مه‌ن 14 ساڵ له‌كاتی منداڵ بووندا گیانی له‌ ده‌ستداوه‌، نه‌ك مردن، به‌ڵكو زۆربه‌ی حاڵه‌ته‌كانی جیابوونه‌وه‌ش له‌نێو ژنانی منداڵدان."

به‌رپرسی ڕێكخراوی هیوای عێراقی، نه‌بوونی یاسای به‌ره‌نگاربوونه‌وه‌ی توندوتیژی خێزانی و نه‌بوونی شه‌ڵته‌ر به‌گه‌وره‌ترین گرفتی ژنان داده‌نێت له‌كه‌ركوك وده‌ڵێت"ئه‌و ژنانه‌ی كێشه‌یان هه‌یه‌ له‌ ته‌سفیرات داده‌نرێن، یاخود ده‌بێت نهێنی لێكۆڵینه‌وه‌كان بپارێزرێت، كه‌چی به‌ پێنج شه‌ش كارمه‌نده‌وه‌ و له‌ژوورێكی بچوكدا لێكۆڵینه‌وه‌ له‌گه‌ڵ ژنان ده‌كرێت، یان سزا ته‌نها له‌سه‌ر توندوتیژی جه‌سته‌ییه‌، له‌كاتێكدا ده‌یان كچ و ژن، توندوتیژی ده‌روونیان به‌رامبه‌ر ده‌كرێت و هان ده‌درێن بۆ خۆ كوشتن."



ئەوەشی ئاشکراکردووە، " دیارده‌ی نامۆ و ناشیرین سه‌ریهه‌ڵداوه‌، هه‌ندێك له‌وانه‌ی قه‌رزارن له‌بری قه‌رز، كچه‌كانیان به‌شوو ده‌ده‌ن، ئه‌مه‌ ده‌چێته‌ چوارچێوه‌ی بازرگانیكردن به‌مرۆڤه‌وه‌." 

No comments:

Post a Comment

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

Contact Form

Name

Email *

Message *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©