وەزارەتى خوێندنى باڵا پۆستى سەرۆکى چوار زانکۆ و دەستەیەک رادەگەیەنێت - پرس میدیا

إعلان فوق المشاركات

وەزارەتى خوێندنى باڵا پۆستى سەرۆکى چوار زانکۆ و دەستەیەک رادەگەیەنێت

وەزارەتى خوێندنى باڵا پۆستى سەرۆکى چوار زانکۆ و دەستەیەک رادەگەیەنێت

 


پرس میدیا

وەزارەتى خوێندنى باڵا و توێژینەوەى زانستى دەرگای پێشکەشکردنی بۆ سەرۆکى چوار زانکۆ کردەوە و رایگەیاند، پێویستە ئەو کەسەی داواکاری پێشکەش دەکات هەڵگرى بڕوانامەى دکتۆرا بێت و نازناوی زانستى لە پرۆفیسۆرى یاریدەدەر کەمتر نەبێت، هەروەها دەبێت خزمەتى لە (10) ساڵ کەمتر نەبێت. 

وەزارەتى خوێندنى باڵا و توێژینەوەى زانستى لەراگەیەنراوێکدا باسی لەوەشکردوە، "لە چوارچێوەى ڕێنماییەکاندا پۆستى (4) سەرۆک زانکۆ و (سەرۆکی دەستەی کوردستانی بۆ خوێندنى ستراتیژی و توێژینەوەی زانستی) ڕادەگەیەنێت، پۆستەکانیش بریتین لە سەرۆکى زانکۆی سلێمانى، سەرۆکی زانکۆی پۆلیتەکنیکی سلێمانی، سەرۆکی زانکۆی ڕاپەڕین و سەرۆکی زانکۆی چەرمو".

ئەوەش هاتووە، "هەر کەسێک ئارەزوى هەیەو مەرجەکانى تێدایە، دەتوانێت لە ماوەى دیاریکراودا (C.V) و داواکارییەکەى پێشکەش بکات، تا ناوى لە لیستى پێشکەشکاراندا تۆمار بکرێت."


مەرجەکان بۆ پۆستی سەرۆکی زانکۆ بریتین لە:


1- هەڵگرى بڕوانامەى دکتۆرا بێت.


2- نازناوی زانستى لە پرۆفیسۆرى یاریدەدەر کەمتر نەبێت.


3- خزمەتى لە (10) ساڵ کەمتر نەبێت.


 


مەرجەکان بۆ سەرۆکی دەستی کوردستانی بۆ خوێندنى ستراتیژی و توێژینەوەی زنستی:


- هەڵگری بڕوانامەی دکتۆرا بێت لەیەکێک لەبوارەکانی زانستی.


- نازناوی زانستی لە پرۆفیسۆر کەمتر نەبێت.



وەزارەتى خوێندنى باڵا و توێژینەوەى زانستى دەڵێت، "ئەو بەڕێزەى داواکاری پێشکەشدەکات باشترە دیدو بۆچون و بەرنامەى کاری خۆى پێشکەش بکات بەمەبەستى بەرەو پێش بردنى زانکۆکەی بۆ ئەو چوار ساڵەى کە لە پۆستەکەى بەردەوام دەبێت، هەروەها زانینی زمانى ئینگلیزى و شارەزایی لە بەکارهێنانى تەکنۆلۆجیای بواری خوێندن و فێرکردن و کارایی بڵاوکردنەوەی توێژینەوەی زانستی هەلى زیاتر بۆ پێشکەشکار دەڕەخسێنیت. دواین کاتیش بۆ پێشکەشکردنى (C.V) و پوختەى ڕاژە، تاکو کۆتایی دەوامى فەرمى ڕێکەوتى (2021/12/12) ڕۆژى (یەکشەمە) دەبێت."

No comments:

Post a Comment

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

Contact Form

Name

Email *

Message *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©