وەزارەتی رۆشنبیری هۆشداری دەداتە میدیاکان: ڤیدیۆ و وێنەی بەرهەمهاتووی داعش قەدەخەیە - پرس میدیا

إعلان فوق المشاركات

وەزارەتی رۆشنبیری هۆشداری دەداتە میدیاکان: ڤیدیۆ و وێنەی بەرهەمهاتووی داعش قەدەخەیە

وەزارەتی رۆشنبیری هۆشداری دەداتە میدیاکان: ڤیدیۆ و وێنەی بەرهەمهاتووی داعش قەدەخەیە

 


پرس میدیا
وەزارەتی رۆشنبیری راگەیێندراوێکی بڵاوکردەوە و تێیدا هۆشداریی داوەتە میدیاکان و دەڵێت، "بڵاوکردنەوەی ئەو وێنە و ڤیدیۆیانەی داعش بەرهەمیان دەهێنێت، قەدەخەیە".




شەوی رابردوو لە تۆڕە کۆمەڵایەتییەکان بەشێک لە پەیج و میدیاکان ئەو وێنانەیان بڵاوکردەوە کە داعش بڵاویکردنەوە و باسی لەوە کردبوو کە ساتی هێرشکردنە سەر هێزەکانی پێشمەرگەیە. لە نووسراوی وەزارەتی رۆشنبیریی حکومەتی هەرێمی کوردستان کە ئەمڕۆ دووشەممە 06-12-2021 دەرچووە، ئاماژە بەوە کراوە، "ئاگاداری گشت میدیا بیندراوەکان و پۆرتاڵەکانیان دەکەینەوە کە بە هیچ جۆرێک ئەو وێنە و ڤیدیۆیانە بڵاونەکەنەوە کە لەلایەن تیرۆریستانی داعشەوە بەرهەمهێندراون و تایبەتن بە هێرشەکانیان بۆسەر هێزی پێشمەرگە و خەڵکی سڤیل".



هەر لەو نووسراوەی وەزارەتی رۆشنبیریدا هاتووە، "بڵاوکردنەوەی ئەم وێنە و ڤیدیۆیانە بە بێئاگایی ئەم کەناڵانە دەبن بە رایەڵێکی میدیایی تیرۆریستان و لەوێوە ترس و تۆقاندن و دڵەڕاوکێ لەنێوان هاووڵاتییاندا بڵاودەکەنەوە، ئەمەش پێچەوانەی ماددەی سێیەم بڕگەی سێیەمە لە رێنوێنیی ژمارە 1ی ساڵی 2014ی وەزارەتی رۆشنبیری و لاوان، تایبەت بە رێکخستنی فریکوێنسی سپەیس لە هەرێمی کوردستان".



هەر کەناڵێک پێچەوانەی ئەو گشتاندنە هەڵسوکەوت بکات، وەزارەتی رۆشنبیری دەڵێت، "رووبەڕووی لێپرسینەوەی یاسایی دەبێتەوە، پاراستنی ئاسایشی نیشتمانی و ئاشتیی کۆمەڵایەتی ئەرکی سەر شانی هەموولایەکە، بۆیە پێویستە پابەندی یاسا و رێنوێنییەکان بن".

No comments:

Post a Comment

بابەتی پەیوەندی دار

إعلان اسفل المشاركات

ماڵپەڕی پرس میدیا

بەشە سەرەکیەکان

دواین هەواڵ

Contact Form

Name

Email *

Message *

پرس میدیا - Prs Media

پرس ، دامە زراوەیەکی میدیایی پیشەیی ئازادە دەبێتە بڵند گۆ و ئاوێنەی دەنگ و ڕەنگە جیاوازە نەبیستراو و نەبینراوەکان کلتور و فەرهەنگ و هــونــەری نــیـشـتـمـانیـی دەپـارێـزێـت و خـــەمـــی هـەمـیـشەی چەسپاندنی ئاشتی کۆمەڵایەتی و پێکەوە ژیان دەبێت ، پرس میدیا مەبەستیەتی نـەوەی ئـێسـتـاو داهـاتـوی نـیـشـتـمان بە ئاگابێت لـەسـەرجــەم پـرس و پـێشهاتەکانی دەوروبەری دەیەوێت بەزمانێکی بابەتیانە ئەو نەوەیە بدوێنێت

2019 - PRSMEDIA.NET / ALL RIGHT RESERVED ©